Hörmətli Xanımlar və Cənablar!

     Azərbaycan Dövlət Neft Akademiyasının (ADNA) İnternet-səhifəsinə xoş gəlmisiniz!
     Avropa və Asiyada neft sahəsi üzrə ilk texniki-ali məktəb olan ADNA 1920-ci ildə yaradılıb. O vaxtdan bu günə kimi ADNA Azərbaycanın elmi-texniki fikrinin son dərəcə zənginləşdirilməsində xüsusi yer tutub. Onun həm də keçmiş Sovetlər İttifaqı və xarici ölkə vətəndaşlarının ali təhsilə yiyələnməsində böyük rolu olub.
     İnternet-səhifəmizdə ADNA-nın yaranması, maraqlı tarixi, keçdiyi inkişaf yolu, tədris prosesisinin təşkil olunması, mühəndis və elmi kadrlarının hazırlanmasında əldə etdiyi nailiyyətləri, elmi tədqiqatlarının aparılması və onların nəticələrinin istehsalatda tətbiq edilməsi ilə tanış ola bilərsiniz.
     Burada həmçinin beynəlxalq əlaqələrinin inkişafı , keçmiş məzunlarımız- görkəmli dövlət və elmi-ictimai xadimlərimiz, mütəxəssislərimiz və ADNA-nın bu günkü həyatı ilə bağlı geniş məlumat əldə edə bilərsiniz. Ola bilsin ki, sizlərdən birinizi ADNA-nın çoxşaxəli fəaliyyəti ilə bağlı bu və ya digər sahəsi maraqlandıra bilər. Bu istiqamətdə biz öz tərəfimizdən işgüzar əlaqələrin yaradılmasına köməklik etməyə çox şadıq.

Ən xoş arzularla:

ADNA-nın rektoru,
Azərbaycan Milli Akademiyasının
müxbir üzvü, professor